gamoyenebis instruqcia

ქონდროფლექსი

CHONDROFLEX

სამკურნალო საშუალების შემადგენლობა:

აქტიური ნივთიერება:  ქონდროიტინის სულფატი;

1გ მალამო შეიცავს ქონდროიტინის სულფატს--------- 50 მგ

დამხმარე ნივთიერებები:  დიმეთილსულფოქსიდი, ლანოლინი, თეთრი რბილი პარაფინი, გასუფთავებული წყალი.

წამლის ფორმა:  მალამო.

ღია-ყვითელი ფერის მალამო  სპეციფიკური  სუნით.  მალამოს გარეგნული სახე უნდა იყოს ერთგვაროვანი.

ფარმაკოთერაპიული     ჯგუფი:     არასტეროიდული     ანთების     საწინააღმდეგო     და რევმატიზმის საწინააღმდეგო საშუალება.  ქონდროიტინის სულფატი.   ათქ კოდი: М01А  Х25.

კომპლექსური პრეპარატის ძირითად მოქმედ ნივთიერებას წარმოადგენს ქონდროიტინის  სულფატი.  

ეს  ნივთიერება გავლენას  ახდენს  ხრტილოვან  ქსოვილში ფოსფორ-კალციუმის ცვლაზე, ანელებს ძვლოვანი ქსოვილის რეზორბციას, ამუხრუჭებს ხრტილოვანი ქსოვილის დეგენერაციის პროცესს, ხელს უშლის შემაერთებელი ქსოვილის გამკვრივებას და მონაწილეობს სახსრის ზედაპირის სისველის შენარჩუნებაში.  ნორმალიზდება  სახსროვანი  სითხის  პროდუქცია,  აუმჯობესებს სახსრის მოძრაობას, მონაწილეობას იღებს ძვლოვანი და ხრტილოვანი ქსოვილის ძირითადი ნივთიერების წარმოქმნაში. ქონდროიტინის სულფატი ხრტილს იცავს დაზიანებისაგან და ხელს უწყობს მისი მატრიქსის რესინთეზს. გარეგანი გამოყენებისას პრეპარატი აფერხებს ოსტეოპოროზის პროგრესირებას, აწესრიგებს ნივთიერებათა ცვლას ჰიალინურ ქსოვილში, ასტიმულირებს სახსროვანი ხრტილის რეგენერაციას, ამცირებს ანთებითი პროცესის გამოვლინებას და ტკივილს დაზიანებულ სახსრებში, აუმჯობესებს ცხოვრების ხარისხს. ქონდროიტინის სულფატის ანთების საწინააღმდეგო აქტივობა, რომელიც ძირითადად მიმართულია ანთებითი პროცესის უჯრედულ კომპონენტზე, ახდენს ჰიალურონის მჟავას და პროტეოგლიკანების სინთეზის სტიმულირებას, თრგუნავს პროტეოლიზური ფერმენტების აქტივობას. დიმეთილსულფოქსიდი აუმჯობესებს ქონდროიტინის შეღწევას კანში. ქონდროიტინის სულფატი წარმოადგენს მაღალმოლეკულურ მუკოპოლისაქარიდს მოლეკულური მასით 20 000- 30 000. მისი მაქსიმალური კონცენტრაცია სისხლის პლაზმაში მიიღწევა მიღებიდან 3-4 საათის შემდეგ, ხოლო სინოვიალურ სითხეში - 4-5 საათში. ბიოშეღწევადობა შეადგენს 13%. გამოიყოფა ძირითადად თირკმელებით 24 საათის განმავლობაში.

ჩვენება: სახსრებისა და ხერხემლის დეგენერაციულ-დისტროფიული დაავადებები (ძირითადად ლოკალიზებული ფორმის): ოსტეოართროზი, მალთაშუა ოსტეოქონდროზი.

უკუჩვენება:  თრომბოფლებიტი, ინდივიდუალური ჰიპერმგრძნობელობა პრეპარატში შემავალი კომპონენტების მიმართ. ორსულობა, ლაქტაცია, ბავშვთა ასაკი;